ప్రపంచపు అతి పిన్న వయస్కుడైన రాజు కన్నుమూత: - - యామిజాల జగదీశ్

 ​

ఉగాండాకు చెందిన సాంప్రదాయ పాలకుడు, ప్రపంచంలోనే అత్యంత పిన్న వయసులో అధికారంలో ఉన్న రాజు, తన ముప్పై నాలుగో ఏట తుదిశ్వాస విడిచారు.
​ఉగాండాలోని అత్యంత ప్రభావవంతమైన సాంప్రదాయ వ్యవస్థలలో ఒకటైన టోరో రాజ్యపు రాజు ఒయో నియింబా కపాంబా ఇగురు రుగిడి IV గురువారం రాత్రి (2026 ఆగస్టు 27) కన్నుమూసినట్లు ఆ రాజ్యపు ప్రధాన మంత్రి ధ్రువీకరించారు.
​కేవలం మూడేళ్ల ప్రాయంలోనే రాజుగా పట్టాభిషిక్తుడైన ఆయన, మూడు దశాబ్దాలకు పైగా సింహాసనాన్ని అధిష్టించిన తరువాత మరణించారు.
​టోరో రాజ్యం వంశపారంపర్య పద్ధతిలో తమ రాజును ఎన్నుకుంటూ వస్తోంది. ఆయనకు వివాహం కాలేదు. అయినప్పటికీ, టోరో రాజ్యపు ప్రధాన మంత్రి కాల్విన్ ఆర్మ్‌స్ట్రాంగ్ ర్వోమీరే అగీకి ఈ సాంప్రదాయ పాలనా వ్యవస్థ నిరంతరం కొనసాగుతుందని ప్రజలకు తక్షణమే భరోసా ఇస్తూ హామీ ఇచ్చారు.
​"ఆయన మహిమ, తన వారసుడిగా ఒక యువరాజును విడిచిపెట్టారు. అయితే టోరో రాజ్యపు సాంప్రదాయా లు, ఆచారాల ప్రకారం తగిన సమయంలో ఆయన గుర్తింపు అధికారికంగా ప్రకటించడమవుతుంది" అని ప్రధాన మంత్రి తెలిపారు.
​రాజు మరణానికి గల కారణం ఇప్పటివరకు వెల్లడించలేదు.
​1995వ సంవత్సరంలో తన తండ్రి మరణానంతరం, రాజు ఒయో సింహాసనాన్ని అధష్టించారు.