మీ మాటలే... మీ స్థాయిని నిర్ణయిస్తాయి: - యామిజాల జగదీశ్

 ప్రతిరోజూ మీతో మీరు మాట్లాడుకునే మాటలే... మీ జీవిత స్థాయిని నిర్ణయిస్తాయి!
ఒక తోటమాలి...రెండు తోటలను పెంచాడు...మొదటి తోటలో...రోజూ మంచి విత్తనాలు నాటాడు....నీళ్లు పోశాడు....కలుపు మొక్కలను తీసేశాడు. కొన్ని నెలల్లో...ఆ తోట అందమైన రంగురంగుల పూలతో నిండిపోయింది.
రెండో తోటలో మాత్రం...ఏమీ చేయకుండా వదిలేశాడు.కలుపు మొక్కలు...తానంతట అవే పెరిగాయి....ముళ్ల పొదలు...ఆ ప్రదేశాన్ని ఆక్రమించేశాయి.
రెండు తోటలకూ...ఒకే సూర్యకాంతి...కానీ ఉన్న తేడా అంతా...వాటిని చూసిన తీరులోనే ఉంది!
మన మనస్సు కూడా ఒక తోట లాంటిదే. మనం రోజూ ఏ ఆలోచనల విత్తనాలు నాటుతామో రేపు అదే జీవితాన్ని ఫలంగా పొందుతాం.
ఇక మన మనస్సు విషయానికి వద్దాం... మీరు చెప్పేది నమ్మడం ప్రారంభిస్తుంది
"నా వల్ల కాదు..."
అని రోజుకూ అనుకుంటే...
మీ మనస్సు కూడా అదే నిజమని నమ్మేస్తుంది.
"నేను నేర్చుకుంటున్నాను..."
"నేను ముందడుగు వేస్తున్నాను..."
అని చెబితే...
దానికి కావలసిన దారులను మీ మనస్సే వెతకడం మొదలుపెడుతుం ది.
2. ప్రతికూల మాటలు... 
నిశ్శబ్దంగా మీ శక్తిని తగ్గిస్తాయి
"నాకు అదృష్టం లేదు."
"నా బతుకు అంతే."
"నాకు అవకాశాలు రావు."
ఈ మాటలు ఒక్క రోజులోనే మిమ్మల్ని ఓడించవు.
కానీ రోజురోజుకూ మీ ఆత్మవిశ్వాసాన్ని కొద్దికొద్దిగా దొంగిలిస్తూనే ఉంటాయి.
3. మంచి మాటలు... కేవలం ఉత్సాహాన్నిచ్చేవి మాత్రమే కావు
అవి మన చేతలను మారుస్తాయి. మన అలవాట్లను మారుస్తాయి. అలవాట్లు మన భవిష్యత్తును మారుస్తాయి...అంతా ఒక చిన్న ఆలోచనతోనే మొదలవుతుంది.
4. మనల్ని వేరొకరితో పోల్చుకోకూడదు.
పక్కవారి జీవితంలో 20వ అధ్యాయాన్ని చూసి...మన జీవితంలోని 20వ అధ్యాయాన్ని చూసి బాధపడకూడదు.
ఒక్కొక్కరిది ఒక్కో ప్రయాణం....ఒక్కొక్కరిది ఒక్కో వేగం....ఒక్కొక్కరిది ఒక్కో సమయం.....మీ దృష్టి ఎప్పుడూ మీ ఎదుగుదలపైనే ఉండాలి.
5. పొరపాట్లు... మన విలువను తగ్గిస్తాయి. ఒక పొరపాటు జరిగిందంటే...మనం ఓడిపోయినట్లు కాదు. మనం ప్రయత్నించామని అర్థం.
కింద పడటం బలహీనత కాదు. పడి లేవకపోవడమే అసలైన ఓటమి.
6. మీరు వినే విషయాలు కూడా మీ మనస్సును మారుస్తాయి
రోజూ మీరు చూసే వీడియోలు...చదివే విషయాలు...వినే మాటలు... మన ఆలోచన మెల్లగా మారుస్తాయి....అందుకే మన మనస్సుకు ఎప్పుడూ మంచి ఆహారాన్నే ఇవ్వాలి.
7. మనల్ని మనం గౌరవించుకోవడం మొదలుపెట్టాలి. ఇతరులు మనల్ని గౌరవించాలంటే...ముందుగా మనల్ని మనం గౌరవించాలి. 
మన సమయాన్ని..
మన శరీరాన్ని...
మన మనస్సును గౌరవించుకోవాలి.అదే ఆత్మవిశ్వాసానికి పునాది.
🌍 8. ప్రతిరోజూ ఒక మంచి మాట మనతో మనం చెప్పుకోవాలి.
అద్దం ముందు నిలబడి...ఒక్క నిమిషం మనతో ఇలా చెప్పుకోవాలి.:
"నిన్నటి కంటే...ఈరోజు నేను ఇంకా మెరుగ్గా మారుతున్నాను."
ఆ ఒక్క నిమిషం మీ రోజంతటినీ మార్చేస్తుంది.
9. మీతో మీరు జరిపే సంభాషణ... మీ భవిష్యత్తును రాస్తుంది
లోకం మీ గురించి ఏమనుకుంటుందో పెద్దగా ముఖ్యం కాదు...మీ గురించి మీరు ఏమనుకుంటున్నారనేదే చాలా ముఖ్యం.
ఎందుకంటే జీవితాంతం మీతో ఉండేది ఆ అంతరంగపు స్వరమే!
10. ఆలోచన మార్చుకోవాలి.. జీవితం మారుతుంది.
జీవితం మారడానికి...
కొత్త ప్రదేశమో, కొత్త అవకాశాలో అవసరం లేదు.
కొన్నిసార్లు...
కొత్త ఆలోచన...
కొత్త మాటలు...
కొత్త దృక్పథం ఉంటే చాలు!​
ఒక రోజు మన జీవితం పూర్తిగా మారిన తర్వాత..."మీ మార్పు ఎక్కడ మొదలైంది?" అని జనం అడిగితే...
మీరు ప్రశాంతమైన చిరునవ్వుతో చెప్పవచ్చు:
"నేను నా మనస్సుతో మాట్లాడే మాటలను మార్చుకున్న రోజు నుండి!"
గుర్తుంచుకోవాలి...
«మన జీవితం బయట ఎక్కడో మొదలవ్వదు. మన మనస్సులో నాటుకునే ప్రతి ఆలోచన నుండే మొదలవుతుంది.»
ఈరోజే ఒక నిర్ణయం తీసుకోవాలి.
మనల్ని తక్కువ చేసి మాట్లాడే స్వరంగా కాక...మనల్ని ముందుకు నడిపించే స్వరంగా మారాలి.
కొన్ని నెలల్లో మన మనస్సు మారుతుంది, మీమన అలవాట్లు మారుతాయి...
మన జీవితమూ మారుతుంది!