జీవితంలో 'మనలా మనం బతకడం': - - యామిజాల జగదీశ్

 

మనల్ని మనలా బతకనిచ్చేవాళ్లు ఈ ప్రపంచంలో ఎంతమంది ఉన్నారు?
చాలా మంది వాళ్లకు నచ్చిన విషయా లనే మనపై రుద్దడానికి చూస్తారు.
మనకంటూ కాస్త స్వేచ్ఛనిచ్చి, అనవ సరంగా విసిగించకుండా ఉండేవాళ్లు దొరకడం అరుదు.
మన సంతోషాన్ని పాడుచేయకుండా, నచ్చని పనులను బలవంతంగా రుద్ద కుండా ఉండేవాళ్లు చాలా తక్కువ.
మనకు ఏది నచ్చుతుంది?
మనల్ని ఏది బాధపెడుతుంది?
మనకు ఏది సంతోషాన్నిస్తుంది?
అని ఆలోచించి, ప్రతీ ఒక్క మనసు విప్పి మాట్లాడే వ్యక్తి మన జీవితంలో ఖచ్చితంగా ఉంటారు.
అలాంటి ఒక స్నేహితుడు లేదా బంధువు మనకున్నారంటే మనం నిజంగా అదృష్టవంతులమే!
అలాంటి వ్యక్తితో మన బంధం 
ఎలా ఉంటుందంటే:
ఆ వ్యక్తితో దేన్నైనా నిరభ్యంతరంగా పంచుకోవచ్చు.
ఎలాగైనా మాట్లాడవచ్చు, ఎలాగైనా ఉండవచ్చు.
ఏ సమయంలోనైనా ఫోన్ చేసి పిలవవచ్చు.
సంతోషంగా ఉన్నప్పుడు హాయిగా కలిసి అల్లరి చేయవచ్చు.
మనసు బాగోలేనప్పుడు వాళ్ల దగ్గరకు వెళ్లి ఓదార్పు పొందవచ్చు.
మనం వెతికినా వెతకకపోయినా, ఏ చిన్న సంఘటన జరిగినా ఒక మాయలా ఆ ముఖమే మనకు మొదట గుర్తుకొస్తుంది.
ప్రతీ విషయానికీ ఆ మనిషి మనకు ఓదార్పునిచ్చే నీడలా ఉందని కాస్త ఆలోచిస్తే గానీ అర్థం కాదు.
ఆ వ్యక్తి ఎప్పుడూ మనకు ఒక్క అడుగు దూరంలోనే నిలబడి ఉంటారు.
ప్రశాంతమైన నిజం:
ప్రతీ దానికీ మనం వాళ్ల దగ్గరకే ఎందుకు పరిగెడతామో తెలుసా?
మనపై వాళ్లు చూపించిన స్వచ్ఛమైన ప్రేమ, ఇచ్చిన ధైర్యమే దానికి కారణం.
అవును! ఆ వ్యక్తి మనల్ని 'మనలా బతకనిస్తున్నారు'.
పైన చూస్తే ఇది సాధారణంగా అనిపించవచ్చు, కానీ కాస్త లోతుగా ఆలోచిస్తేనే దీని అసలు అర్థం బోధపడుతుంది.
ఒక మనిషికి కావాల్సింది కేవలం బతకడం మాత్రమే కాదు, 'ప్రశాంతంగా బతకనివ్వడం' అనేది గొప్ప విశ్వ సత్యం!