విజయమే నా గమ్యం: - బి.ఉషారాణి-Govt టీచర్-మంచిర్యాల

ఆకాశాన్ని అందుకోవాలనే

ఆశయంతో అడుగు ముందుకేస్తాను

అవకాశం తలుపు తట్టగానే

ఆత్మవిశ్వాసంతో తెరుస్తాను

పడిపోయినా వెనుకడుగు వేయను

పొరపాట్లు చేసినా ప్రయత్నం ఆపను

ఓటమి ఎదురైనా భయపడను

గెలుపు సాధించేందుకు ముందుకు సాగుతాను

దారిలో చీకటి ఎదురైనా

చిరుదీపంలా వెలుగుతాను

కష్టాలు నన్ను పరీక్షిస్తే

పట్టుదలతో నిలబడతాను

నిన్నటి కన్నా నేడు

ఒక అడుగు ముందుకే వేస్తాను

నాపై నాకున్న నమ్మకంతో

కొత్త శిఖరాలు అధిరోహిస్తాను

ధైర్యమే నా ఆయుధం

సహనమే నా బలం

సంకల్పం నాకు తోడైతే

విజయమే నా గమ్యం