109వ సర్గ : - ఎడ్ల లక్ష్మి -సిద్దిపేట

జాబాలి  నాస్తికవాదమును ఖండించుచు శ్రీరాముడు సత్యము  వైశిష్ట్యమును పేర్కొనుట 

శ్రీరాముడు జాబాలి మాటలను విని 

తన నిశ్చయాత్మక బుద్ధితో ఆలోచించి 

వేద శాస్త్రములప్రమాణ దృష్టితో ఇట్లు దెలుపును

ఓ విప్రోత్తమా నన్ను సంతోష పెట్టుటకై 

నీవు కొన్ని మాటలను నాతో పలికితివి 

అవి కర్తవ్యములుగా కనిపించవచ్చు

వాస్తవముగా అవి చేయదగనివని 

హితముతో భావించుచున్నాను 

నీవు చెప్పిన రీతిగా నేను నడుచుకొనినచో 

నేను ధర్మము తప్పిన వాడ నైతాను 

అప్పుడు ఈ లోకమంతయు అట్లే ప్రవర్తించెదరు 

రాజుల ప్రవర్తనే ప్రజలు పాటించెదరు.

దానధర్మములు, యజ్ఞములు, 

హోమకార్యములు, వ్రతములు, 

తపస్సులు వేదములు అన్నియూ

సత్యము పైననే ఆధారపడి యున్నవి 

ఈ సత్యరూప ధర్మములు ఎల్లరకు 

శ్రేయోదాయకమనియు ధర్మములలో

శ్రేష్టమైనదనియు త్రికరణ శుద్ధిగా నమ్ముదును 

జటవల్కములను దాల్చి తాపసధర్మముననుసరించెదను.