111వ సర్గ : ఎడ్ల లక్ష్మి -సిద్దిపేట

భరతుడు నిరాహార దీక్షకు సిద్ధపడుట - శ్రీరాముడు  సముదాయించుట 

రాజపురోహితుడైన వసిష్టమహర్షి ఇట్లు పలికేను 

కుకత్ స్థవంశశిరోమణీ! రఘునందనా!

ప్రతి వ్యక్తికి తల్లి, తండ్రి గురువు అను 

ముగ్గురు గురువులుందురు ఇది సత్యము 

తల్లిదండ్రులు మొదటి గురువులు 

సకలశాస్త్రములను బోధించి

జ్ఞాననేత్రమును ప్రసాదించిన ఆచార్యుడు 

తల్లిదండ్రుల కంటే శ్రేష్టుడు గురువు 

ఓ రామా! నేను నీకే కాదు నీ తండ్రికి గురువును

నాయనా! రామా! సభా సదులు, బ్రాహ్మణులు 

పౌరజనులు ఇచ్చటికి చేరియున్నారు. 

వీరిని పాలించుట నీ ధర్మము. 

మీ తల్లి మాటను కాదనుట తగదు 

రామా! ఆమె మాటను పాటింపుము 

ఓ రామా! నిన్ను వేడుకొనుచున్నాను 

భరతుని పలుకులను మన్నింపుము.

క్షత్రియులకు ప్రజల పాలనే ధర్మము 

నీవు ఆ ధర్మమును ఆచరించినచో 

నీ స్వధర్మమును పాటించుటయే గాక 

సంప్రదాయమును కాపాడిన వాడవవుతావు