112వ సర్గ : - ఎడ్ల లక్ష్మి -సిద్దిపేట

భరతుని ప్రార్థనపై శ్రీరాముడు తన పాదుకలను ఆయనకు ఒసంగుట 

శ్రీరామ భరతుల అన్యోన్యతను జూచి

మహర్షులందరూ సంతోసించిరి 

ధర్మములను బాగుగా ఎరిగిన 

ఆ ఇరువురిని కన్న దశరథుడు ధన్యుడని మురిసిరి 

రాముని మాటలు విన్న ఋషిశ్వరులు 

భరతునితో ఇలా అంటారు 

ఓ భరతా! శ్రీరాముని మాటలు వినుము 

అయోధ్యకు తిరుగు ప్రయాణము కమ్ము.

వారి వచనములు విని శ్రీరాముడు సంతోషించి

మహార్షులందరికీ వందనమొనర్చెను 

భరతుడు గజగజ వణుకుచు 

శ్రీరామునితో ఇలా అంటాడు 

ఓ శ్రీరామ! ఈ రాజ్యభారమును

స్వీకరించి దానియౌన్నత్యమును నిలబెట్టుము. 

ప్రజా పాలనలో నీవు సమర్ధుడవు 

భరతుడు ఈ విధముగా పలికి 

అన్నగారి పాదములపై వ్రాలెను.

శ్రీరాముడు భరతుని లేవనెత్తి ఒడిలోకి చేర్చుకొని

నాయనా! భరతా! నీ బుద్ధి వినయము శోభితము.

ఇట్టి బుద్ధిబలముగలవాడు 

సమస్త భూమండలమును ఏలగలడు.