118 వ సర్గ. : - ఎడ్ల లక్ష్మి -సిద్దిపేట.

అనసూయదేవి సీతాదేవికి  వస్త్రాభరణములను కానుకలుగా సమర్పించుట 

దోషదృష్టి లేని ఆ సీతాదేవి అత్రిపత్నియైన 

అనసూయ దేవి ఆమెకు తెలిపిన 

ధర్మవచనాములను గౌరవించుచు 

ఆమెతో సీతాదేవి ఇట్లు పలుకుచుండెను .

ఓ దేవి! నీవు స్త్రీలందిరిలో సర్వశ్రేష్టురాలవు

నీవిట్లు పలుకుట ఆశ్చర్యకరముగాదు 

స్త్రీకి పతియే దైవమని నేనెరుగుదును 

అనసూయదేవి నీ సహనానికి వందనాలు.

ఓ పూజ్యురాలా! భర్త గుణహీనుడైనను 

గుణవంతుడైనను ఎట్టి సంకోచము లేకుండా 

సతికి పతి సేవింపదగినవాడే

నా భర్త శ్రీరాముని గూర్చి చెప్పవలసిన పనిఏమి?

దృఢమైన అనురాగము గలవాడు

శ్రీరాముడు పితృభక్తి గలవాడు 

అతడు అత్యంత ప్రేమస్వరూపుడు 

ఆయనను భక్తిశ్రద్ధలతో సేవించెదను 

ఓ ధర్మాత్మురాల నీవు నాతో పలికిన మాటలు 

మా అత్తగారు, మా తల్లి తెలిపిన పలుకులు 

నాకు మరొక్కసారి జ్ఞప్తికి వస్తున్నాయి 

పతిని సేవించుటయే స్త్రీకి గొప్ప తపస్సు