3 వ సర్గ (2 ): - ఎడ్ల లక్ష్మి, సిద్ధిపేట

మీరు ఇరువురు ఈ  తరుణిని ఇచ్చటనే వదిలి వెళ్ళుడు

ఈమెను ఆశించినచో మీరు ప్రాణాలతో మిగులరు

ఈ నారీమని నాకు దక్కుట వలన 

నేను మీ ప్రాణములను తీయను 

నా మనసు మారకముందే మీరిచ్చట నుండి వెళ్ళుడు 

ఆ విరాధుడి మాటలకు శ్రీరాముడు కుపితుడై

కన్నులెర్రజేసి విరాధుడిని ఇట్లనెను 

ఓ దుర్మార్గుడా! సద్వంశ స్త్రీని కోరుకొనుట 

నీ హీన లక్షణమునకు నిదర్శనము. 

ఓ విరాధా! నీ చావును నీవే కోరుకుంటున్నావు 

క్షణం ఆగు నా చేతిలో నీకు చావు తప్పదు 

శ్రీరాముడు ధనస్సును ఎక్కు పెట్టి 

ఏడు ధనస్సుల బాణములను సంధించెను 

గరత్మంతుని వలె ఆ బాణములు వేగముగా 

విరాధుని శరీరమును చీల్చుకొని నేలపై పడెను 

రామ బాణములు తాకిన ఆ రాక్షసుడు 

కోపావేశముతో ఊగిపోవుచు 

సీతాదేవిని అచటనే వదిలిపెట్టి 

వికటట్టాహాసము చేసి ఆవలించుచు 

ఒళ్ళు విరుచుకొని అచ్చట ఉండిపోయెను 

సోదరులు వేసిన బాణాలు అతని శరీరము నుండి నేలపై రాలేను.