3 వ సర్గ ; - ఎడ్ల లక్ష్మి, సిద్ధిపేట

శ్రీరామునికి విరాధునికి మధ్య వాగ్వివాదములు 

-

లక్ష్మణుడు ఆ రాక్షసుని ఇలా అంటాడు 

నీవు ఎవరు ? ఈ  వనమునందు జేరి 

ఎందుకు ఇచ్చట సంచరించుచుంటివి?

ఈ అడవి నందు నీకు ఏమి పని యున్నది? 

ఆ విరాధుడు లక్ష్మణుని మాటలు విని ఇట్లంటాడు 

"ఓరీ! నన్ను ప్రశ్నించుచున్న మీరు ఎవరు?

ఇటు ఎందుకు వచ్చారు? ఎటు వెళ్ళుచున్నారు? 

భయంకరమైన రాక్షసుడు వారిని ఇలా ప్రశ్నించగా, 

పరాక్రమమాశాలియైన ఆ రఘురాముడు 

ఇక్ష్వాకువంశము గూర్చి అతనికి తెల్పెను

మేము క్షత్రియులము సచ్చరిత్ర గలవారము 

ఈ దండకారణ్యంలో ఉన్న నీ గూర్చి తెలుపుము.

అప్పుడు విరాధుడు శ్రీరామునితో ఇట్లనెను 

" ఓ రాజా! నా స్వరూపము గూర్చి తెలుపెదను 

నేను 'జయుడు'అను రాక్షసుని కుమారుడను

రాక్షసులందరు నన్ను విరాధుడని పిలుస్తారు. 

నా తపస్సు మెచ్చి బ్రహ్మదేవుడు 

నాకు వరమును ప్రసాదించెను 

శాస్త్రము లేవియు నన్ను చంపజాలవు 

నా శరీరమును ఎవ్వరు చేదింపజాలరు.