వైకుంఠపాళి (రుబాయిలు ): - టి. వి. యెల్. గాయత్రి.-పూణే. మహారాష్ట్ర.

తాత్వికమౌ జ్ఞానంబును తెలియచేయు నాట యిదియె.

జీవితాని కర్థంబును బోధచేయు నాట యిదియె 

పరమపదపు సోపానము చేరాలని పట్టుదలను 

పిల్లలలో పెద్దలలో ప్రోదిచేయు నాట యిదియె.//

వైకుంఠపుపాళి నాడి ధీమణులయి వర్థిలండి!

గెలుపోటము లుంటాయని ప్రాజ్ఞతమెయి వర్థిలండి!

పిల్లలార!భరతజాతి క్రీడలలో తత్వమెఱిగి 

దేశమునకు ఖ్యాతి పెంచు వారసులయి వర్థిలండి!//

బుద్ధిబలము పెంచుచుండు నాటలతో ప్రగతి కలుగు.

దేహమునకు శక్తి నిచ్చు క్రీడలతో ప్రగతి కలుగు.

భారతీయ సంస్కృతిని తెలిసికొనుచు జాగృతులయి 

నవశకముకు నాంది పలుకు ఛాత్రులతో ప్రగతి కలుగు.//