తపన్ కుమార్ లాహిరి; - యామిజాల జగదీశ్

 గత 30 ఏళ్లుగా తన జీతాన్నంతా పేద రోగుల కోసమే ధారపోస్తున్న ఒక గొప్ప డాక్టర్... ఆయనే తపన్ కుమార్ లాహిరి!
అమెరికాలోని ఉన్నత విద్యాభ్యాసం పూర్తి చేసిన ఆయన, విదేశాల్లోని విలాసవంతమైన జీవితాన్ని వదులుకుని సొంత దేశానికి తిరిగి వచ్చారు.
1974లో కేవలం 250 రూపాయల జీతానికి బనారస్ హిందూ విశ్వవిద్యాలయంలో (BHU) అధ్యాపకుడిగా తన ప్రస్థానం ప్రారంభించారు. వ్యక్తులకు సేవ చేయడంలో కుటుంబ జీవితం అడ్డంకి కాకూడదన్న ఉద్దేశంతో ఆయన పెళ్లి కూడా చేసుకోలేదు.
గుండె శస్త్రచికిత్సలో నిష్ణాతులైన ఆయన 1994లో తీసుకున్న ఒక నిర్ణయం అందరినీ ఆశ్చర్యపరిచింది.
అప్పట్లోనే లక్ష రూపాయలకు పైగా ఉన్న తన పూర్తి జీవితాన్ని పేదల కోసమే ఇవ్వడం మొదలుపెట్టారు. 2003లో పదవీ విరమణ చేసినప్పుడు వచ్చిన పీఎఫ్ డబ్బును సైతం ఆ విశ్వవిద్యాలయానికే తిరిగి ఇచ్చారు.
ఇప్పటికీ ఎలాంటి ప్రతిఫలం ఆశించకుండా రోగులకు వైద్యం అందిస్తూనే ఉన్నారు.
84 ఏళ్ల వయసులోనూ, రోజూ ఉదయాన్నే ఒక చేతిలో సంచి, మరో చేతిలో నల్ల గొడుగు పట్టుకుని ఆసుపత్రికి నడుచుకుంటూనే వెళ్తారు. ఆయనకు సొంత కారు లేదు, కనీసం ఒక మొబైల్ ఫోన్ కూడా లేదు!
వారణాసి ప్రజల దృష్టిలో ఆయన కేవలం డాక్టర్ మాత్రమే కాదు... సాక్షాత్తు దేవుడే.
2016లో భారత ప్రభుత్వం ఆయనకు 'పద్మశ్రీ' పురస్కారం అందించి గౌరవించింది.
ఆ సమయంలో ఆయన అన్న మాటలు:
“ఆ కాశీ విశ్వనాథుడు, అన్నపూర్ణా దేవి దయతో నా ఆఖరి శ్వాస వరకు రోగులకు సేవ చేస్తూనే ఉంటాను.”