క్లాడ్ మెలాన్ - యామిజాల జగదీశ్

 ఒకటే గీత. ఎక్కడా తెగదు, ఎక్కడా క్రాస్ కాదు, వేరే సపోర్టింగ్ గీత అసలే లేదు.
ఫ్రాన్స్‌లోని అబ్బెవిల్లే నగరంలో 1598లో పుట్టిన క్లాడ్ మెలాన్ అనే  కళాకారుడు, యూరోపియన్ ప్రింట్‌మేకింగ్ చరిత్రలోనే అత్యంత అద్భుతమైన బొమ్మను ఇలాగే సృష్టించాడు. 1649లో చేసిన 'ది సుడారియం ఆఫ్ సెయింట్ వెరోనికా' చిత్రంలో, ఆయన తన చెక్కే పనిముట్టు (బూరిన్) మొనను ముక్కు మధ్యలో పెట్టి బయటికి సూదులు తిప్పుతూ వెళ్లాడు. ఆ పని చేస్తున్నప్పుడు తన మరో చేత్తో రాగి పలకను తిప్పుతూ, ఎక్కడా పరికరాన్ని పైకి ఎత్తకుండా మొత్తం బొమ్మ అంతటా ఒకే ఒక్క నిరంతర గీతను గీసుకుంటూ పోయాడు.
ఈ టెక్నిక్ అంతా కేవలం ప్రెషర్, యాంగిల్ మీదే ఆధారపడి ఉంది. వెళ్లే దారిలో ఆ గీత మందాన్ని ఆయన మారుస్తూ వచ్చాడు. నీడ కావాల్సిన చోట గీతను మందంగా, వెలుతురు కావాల్సిన చోట సన్నగా మార్చాడు. రాగి పలకపై ఉన్న ఆ ఒక్క గాడిని పూర్తిగా విడదీస్తే దాదాపు 150 మీటర్ల పొడవుంటుంది. ఆ ఒక్క గీతతోనే ఒక మనిషి ముఖంలో ఉండే వాల్యూమ్, లోతు, హావభావాలు అన్నీ పండాయి.
ఈ సబ్జెక్ట్ కూడా ఆ టెక్నిక్ గురించే చెబుతుంది. కల్వరికి వెళ్లే దారిలో క్రీస్తు ముఖాన్ని తుడవడానికి సెయింట్ వెరోనికా వాడిన గుడ్డనే 'సుడారియం' అంటారు. మనుషుల ప్రమేయం లేకుండానే ఆ గుడ్డపై క్రీస్తు ముఖం అద్భుతంగా ముద్రపడిపోతుంది. చిత్రంలో చూపించిన ఆ గుడ్డ అంచున లాటిన్ భాషలో "ఫార్ముటర్ యూనికస్ ఉనా, నాన్ ఆల్టర్" అని రాసి ఉంటుంది. అంటే "ఒక్కరి ద్వారా, వేరే ఎవరి ప్రమేయం లేకుండా ఏర్పడిన ఏకైక రూపం" అని అర్థం. దైవికమైన ఆ ముద్రలోని ప్రత్యేకతను, తన ఒంటరి నిరంతర గీతలోని ప్రత్యేకతను ముడిపెడుతూ వేసిన తెలివైన రూపమిది.
మెలన్ 1688 దాకా జీవించాడు. చివరకు ఫ్రాన్స్ రాజుకు కళాకారుడిగా పనిచేశారు. ఈ ఒక్క బొమ్మే ఆయనకు అత్యంత పేరు తెచ్చింది. చేతితో మళ్లీ ఇలా చేయడం చాలా కష్టమైన అద్భుతమైన టెక్నిక్‌గా దీన్ని భావిస్తున్నారు. ఇందులో క్రాస్-హ్యాచింగ్ లేదు, చుక్కలు పెట్టడం లేదు. చేత్తో, ఒకే నిరంతర ఒకే సుడులు తిరిగే గీతను గీయడంలో ఉన్న అద్భుతమైన నియంత్రణ మాత్రమే ఇందులో కనిపిస్తుంది.