సింహపు పిల్ల: - యామిజాల జగదీశ్

 

ఆఫ్రికా అడవుల్లో తల్లిని కోల్పోయి అనాథ అయినప్పుడు సిర్కా చిన్న సింహపు పిల్ల మాత్రమే.
​వన్యప్రాణుల మీద ఎంతో ప్రేమ ఉన్న వాలెంటైన్ గ్రూనర్, సిర్కాను తన దగ్గరకు చేర్చుకున్నాడు. దాన్ని చూసుకోవడం ఈ ప్రపంచం మీద తన బాధ్యత అని భావించి పెంచాడు. దాన్ని ఎప్పుడూ బోనులో బంధించ లేదు. దూరం పెట్టి కూడా పెంచలేదు. ప్రతిరోజూ దానితో కాలం గడిపి ప్రేమగా చూసుకున్నాడు. సింహం శరీరం పెరిగినట్టే ఇద్దరి మధ్య నమ్మకమూ పెరిగింది.
​ఇప్పుడు సిర్కా బలమైన పెద్ద సింహం. దాన్ని దగ్గరికి వెళ్లేవారందరూ భయపడేలా శక్తివంతంగా ఉంది. కానీ వాలెంటైన్‌ను చూసినప్పుడు దానిలో పూర్తిగా వేరే రూపం కనిపిస్తుంది. అది వెనుక కాళ్ల మీద నిలబడి ముందు కాళ్లతో అతన్ని కౌగిలించుకుంటుంది. దానితో గడిపిన ప్రతి రోజూ కృతజ్ఞత తెలిపినట్టు ఆ కౌగిలి ఉంటుంది.
​ఆ సంతోషకరమైన క్షణాలను తీసిన వీడియోలు టిక్‌టాక్‌లో వైరల్ అయ్యాయి. అవి ఎందుకు అంతగా అందరి దృష్టిని ఆకర్షించాయో అర్థం చేసుకోవడం కష్టం కాదు. తాను చూసిన వాటిలో సిర్కానే అత్యంత ప్రేమగల సింహం కావచ్చని వాలెంటైన్ స్పష్టంగా చెబుతున్నాడు. అయితే ఇలాంటి పనిని వేరే ఎవరూ ప్రయత్నించాలని అతను ఎప్పుడూ చెప్పడు.