గణపతి పండుగ సంబరాలు : - అద్దంకి లక్ష్మి: ముంబై

 

ఆటవెలది పద్యాలు

1
విద్యనొసగు తండ్రి విజ్ఞేశ్వరుని పూజ 
  ప్రధమ గణముల కధి పతివి నీవె
పాలవెల్లి గట్టి భక్తితో పూజించ
మూషికమ్ము నెక్కి ముచ్చట గర
2
 మొదలు నిన్ను దలచి మొదలెట్టు కార్యము
 ప్రధమ గణము లకధి పతివి నీవు 
 మట్టి బొమ్మ చేసి మంచి గంధము బూసి 
విఘ్న రాజ నీవు వేగ రావె
3
పాలవెల్లి గట్టి భక్తితో పూజింప 
మనసులోన నిలిపి శక్తి కొలిచి
 ఫలము పత్రియు పూలు భక్తితో నర్పించు
 కరుణ తోడ మమ్ము గావు మయ్య
4
శివుని కొమరు డవుగ చింతలు తీర్చుము
 బుద్ధి జ్ఞాన మిచ్చి బ్రోవు మయ్య
 పాపములను బాపు పార్వతీ తనయుడ
 చిత్తశుద్ధి కలిగి జేయు పూజ
5
పిండి వంటలన్ని ప్రేమతో నర్పించి
 భక్తితోడ నీకు భజన జేతు
 సిద్ధిబుద్ధి గొలుచు శ్రీ గణేశుడ నీవు
 వక్రతుండదేవ వరము లీవె
6
వాడ వాడ లందు భక్తులందరుజేరి
 విగ్రహములను దెచ్చి వీధి నందు
  నాట పాట లాడి నానంద మొప్పగా
గౌరి తనయ మమ్ము గావు మయ్య
7
ప్లాస్టరు గణపతియె పర్యావరణ చేటు 
రంగు పులిమి నంత రక్ష లేదు 
నీటిలోన కలుప నీరు కలుషితమ్ము
 తెలిసి మసలు  కొనుము తెలుగు బిడ్డ