బంధాలు బాంధవ్యాలు మర్చిపోతున్నాడు
మనిషి నేడు పూర్తిగా ఒంటరైపోతున్నాడు
ఏవేవో ఈర్ష్యాద్వేషాలతో రగిలిపోతున్నాడు
సంకుచితత్వం స్వార్థాలకు బలవుతున్నాడు
అందని దాని కోసం అర్రులు చాస్తున్నాడు
గొంతెమ్మ కోర్కెలతో సతమతమవుతున్నాడు
ఇతరుల జీవితాల పట్ల కుళ్ళుకుంటున్నాడు
స్వీయ జీవితాన్ని అస్వాదించలేకపోతున్నాడు
మానవ జీవితచక్రం స్వల్పమని విస్మరిస్తున్నాడు
తన జీవితం శాశ్వతమనే భ్రమలో బ్రతికేస్తున్నాడు
జీవితంలో పట్టువిడుపుల ప్రాధాన్యత మరిచాడు
సర్దుకుపోయే గుణానికి ఎప్పుడో తిలోదకాలిచ్చాడు
సదా తన పంతం నెగ్గాలని కోరుకుంటున్నాడు
తెలియని మానసిక రుగ్మతతో నలిగిపోతున్నాడు
ఆనందం కోసం విలాసాల వెంట పరిగెడుతున్నాడు
ఆత్మీయుల మధ్య ఉందని తెలుసుకోలేకపోతున్నాడు
‘పోలికల’ సుడిగుండంలో కొట్టుమిట్టాడుతున్నాడు
విషవలయంలో తనను తానే బందీ చేసుకుంటున్నాడు
addComments
కామెంట్‌ను పోస్ట్ చేయండి