భూమాత ఆక్రందన.: - నాగమణి రావులపాటి.

 

 నేలను కప్పిన విషపు చెత్త కొండలు...
చెదరిన ప్లాస్టిక్ భూమికి పట్టిన గాయాలు...
కాలుష్యం పెరగడంతో కనుమరుగైన పచ్చదనం...
భూమండలం  కళ్ళల్లో కన్నీటి సుడిగుండాలు...
సూర్యకాంతిని అడ్డుకునే విష వాయువుల మేఘాలు...
ఓ మనిషి నీ అనాలోచిత చేతలకు ఫలమిదేనా...
చెట్లు మరియు జంతువులకు ఇక చోటు లేదా...
గొంతు పెగలక మూగబోయిన భూగోళపు ఆక్రందన...
పదునైన ప్లాస్టిక్ ముక్కలు గుచ్చేటి వేదన...
మౌనంగా సాగిపోయే ఈ ప్రపంచపు చివరి మరణ ఘోష...
నిస్సహాయంగా పైకి లేపిన నీలి చేతులు...
భయంతో విప్పిన కళ్ళలో కనిపించే నిరాశా నిస్పృహలు...
బాధ్యతలేని మానవాళికి పంపే ఈ చివరి హెచ్చరిక...
ప్రకృతి విధ్వంసంపై తక్షణమే యుద్ధం ప్రకటించాల్సిన తరుణం...
ఈ క్షణం నుంచే చెత్త లేని జీవితం రావాలి...
రంగు రంగుల రద్దీలో ఒంటరైన నీలపు భూమి...
భవిష్యత్తు తరాల కొరకు మిగిల్చాల్సిన సుందర ప్రపంచం...
 మానవుడా మేల్కొను మన ప్రపంచాన్ని మనమే కాపాడుకోవాలి...
మళ్ళీ పచ్చగా ఆరోగ్యంగా పరిమళించే అందమైన భూమిగా...
"నన్ను కాపాడండి"  ఇది భూమి నీకిస్తున్న పిలుపు...