సుప్రభాత కవిత : - బృంద

ఎన్ని జన్మలు ఎత్తినా 

ఏ జన్మకు ఎవరు తల్లి అయినా 

జగమంతటికి  ఎప్పటికీ మాతవైన 

పూజ్యురాలైన ఓ తల్లీ....

నీ అనుగ్రహం కోరి తపనతో 

నిరంతర సాధన చేసి 

రగిలిన మదిలో రేగిన 

శక్తి అనే దేవతవు నువ్వు 🙏

వేల సూర్యులకు వెలుగునిచ్చే 

వేలుపు సగుణ రూపం తో 

సాక్షాత్కారించి సృష్టిని కాచే 

సర్వమంగళవు నువ్వు 🙏

జ్యోతికి వెలుగులా 

మాటకు భావంలా 

తనువుకు మనసులా 

శివ శక్తైక్య రూపం నువ్వు 🙏

మనసుకు చైతన్యం ఇచ్చి 

మమ్మల్ని నడిపించి 

మంచి చెడ్డలు తెలుసుకొమ్మనే 

పంచతన్మాత్రసాయకవు నువ్వు🙏

ఆకలి దప్పులు బాపి 

ఆపదలు రాకుండా చూసి 

అఖిల జగానికి  శాంతిని 

ఇచ్చే అపరాజితవై....

కారణాలు ఏమైనా 

కరుణతో క్షమించి..

సమస్త లోకానికి క్షేమం 

అనుగ్రహించి కాపాడవమ్మా 🙏

శ్రీ చక్ర సంచారిణి పాదాలకు 

శిరసు తాకించి నమస్సులతో 

🙏🙏🙏🙏🙏

🌸🌸సుప్రభాతం 🌸🌸