చిన్నా చిన్నా (న ఒత్తు): - వరలక్ష్మి యనమండ్ర

చిన్నా చిన్నా విన్నావా

చిన్నికృష్ణుని కథలన్నీ

అన్నతో ఆడమంటేను

అన్నన్నా అసలు వినడు//చి//

వెన్న, జున్నుల దొంగోడే

కన్నయ్య వేణువు నూదాడే

పొన్నల మాటున ఉన్నాడు

కన్నులకి కనిపించడే //చి//

వెన్నెల్లో ఆటలు ఆడాడే

కమ్మని పాటలు పాడాడే

నందుని ఇంట ఉన్నాడే

అల్లరి చేష్టల చిన్నోడే //చి//

కన్నయ్యను అమ్మ పిలిచింది

తలను నున్నగ దువ్వింది

చక్కగ సిగను చుట్టింది

నెమలి కన్నులు పెట్టింది //చి//