నయవంచన చేయకుమా!; - ::త్రిపురారి పద్మ.-జనగామ.

పల్లవి::

ఆడపిల్ల జీవితంతో  ఆటలెందుకూ?

నిను పెంచిన తల్లి మనసు విరుచుటెందుకూ?

చదువుసంధ్యలన్ని వదిలి మెలుగుటెందుకు?

అరాచకాల బాటలోన వెళ్ళుటెందుకు?

       "ఆడపిల్ల"

చరణం::

తల్లిదండ్రి ఆశలన్ని పండించే కూతురిగా

వెలగాలని ఆశపడ్డ అమ్మాయిల భవితవ్యం

బూడిదగా మార్చుతున్న నేరాలకు అడ్డెపుడు?

ధైర్యంగా ఆడపిల్ల నడిచేది ఎపుడెపుడు?

        "ఆడపిల్ల"

చరణం::

ప్రేమకైన,చదువుకైన,సమాజాన సేవకైన

ముందుండే ఆడపిల్ల కోరుతుంది భరోసా

అన్నవైన, తమ్ముడైన,కనిపెంచే నాన్ననైన

నీలోనే చూస్తుంది ఆలకించు ఓ యువకా!

     "ఆడపిల్ల"

చరణం::

ప్రకృతికే అపురూపం

ఆడపిల్ల ప్రతిరూపం

దయాగుణమె ఆమెకున్న

అతిగొప్ప ఆభరణం.

     "ఆడపిల్ల"

చరణం::

ప్రేమ పంచి,పెద్ద చేసి

ధరణిపైన నిలుపుమా

నయవంచన చేయకుండ

మంచితనమె చూపుమా.

       "ఆడపిల్ల"