సుప్రభాత కవిత ; - బృంద

ఏ జ్ఞాపకాలు తరుముతుంటే

గమనం  ఆగిపోయిందో!

ఏ గాయం మదిని సలిపితే

కనుకొలకుల చెలమ ఊరిందో!

ఏ మలుపున ఏ గెలుపు కోసం

మనసు వాకిట  వేచి ఉందో?

ఏ గుండె అడుగున పొర కదిలిందో

ఎంత తడి  పేరిందో!

ఏ ఊహలు మదిలో మెదిలాయో

ఎద ఎంతగ కదిలిపోయిందో!

ఏ కారణానికి ఏ కలతలో

ఏ కాలంతో ఎంత రణమో!ఋణమో!

ఏ దారి ఎటు పోతుందో

ఎవరు ఎవరికి ఎంత వరకూ తోడో

అయోమయాలు తొలగించి

ప్రేమ మయం చేసే ఉదయానికి

🌸🌸 సుప్రభాతం 🌸🌸