నూతన పయనం;- యలమర్తి అనూరాధ-హైదరాబాద్ -చరవాణి:924726౦206

 కొమ్మలకు చిగురు వేసినట్లు
కొత్త ఉగాది వస్తోందంటే చాలు
నాలో నూతన ఊహల సవ్వడి మొదలు
మంచి మంచి నిర్ణయాల ప్రోది ప్రారంభం
చెడును చేదులా దూరం పెట్టాలని
సమాజాన్ని ఆరోగ్యంగా ఉంచాలని 
తీపి అనురాగాన్ని గుండెలకు హత్తుకోవాలని 
అనుబంధాలని వీడని జ్ఞాపకాలుగా మిగుల్చుకోవాలని
కారంగా మిగిలే మమకారం అసలే వద్దని
హద్దులు లేని సహకారాన్నే తోడు నీడగా నిలుపుకోవాలని
వగరు సంఘటనలని రబ్బరుతో తుడిచేసినట్లు
జీవితంలో సమాధి చెయ్యాలని 
ఉప్పులా నలుగురితో కలిసి పోతూ 
మానవత్వానికి అర్థంలా మారాలని 
మరి ఇవన్నీ ఈ కలియుగంలో దొరకట్లేదుగా 
దొరకనివి దొరక పుచ్చుకోవటమేగా అందల మెక్కటమంటే
మీరూ నా దారిలోనే పయనిస్తారుగా!