ఆశలు పందిరి- కొప్పరపు తాయారు

కొబ్బరి ఆకుల పచ్చదనం

కోరు కోటి శుభాలు

కొత్త పందిరి క్రొంగ్రొత్త

అలంకరణలు శతకోటి

శుభ‌సంకేతాలు మానవాళికి

సర్వశుభాలకు నాందీ నేటి ఈ

వేదిక,కొబ్బరాకుల పచ్చదనం

చక్కని దీవెనలతో ఆనందాలు

పంచ, స్వాగతించె శుభ

ఘడియలు అని హెచ్చరించ

ఎల్లలు లేని ఆనందాలు పొంగి

పొరలి ప్రోవ ఆనందాల అలంకరణలు

అతి రమ్యంగా పరవశాన

అతిరమ్యమైన నట హేల సలుప

కల్యాణకాంతులు దిక్కులలరించ

వెలుగు లీన,సర్వ సంపదలు 

ఆవిర్భవించెనని హృదయం

ఉప్పొంగ, జగతిన రాబోవు

ప్రతీ క్షణం సౌభాగ్యల సంప్రోక్షణలే

అని  శుభ శకునాలు పొడ సూప 

ప్రకృతి పులికించి ఆశీర్వదించె .