త్యాగరాజ కవి నాదోపాసన;- కొప్పరపు తాయారు

సీతమ్మ మాయమ్మ శ్రీరాముడు

మాకు తండ్రి అని సాధరంగా

కలిపినావు బంధువుల నందరీ

సంగీత మూర్తి, గీత గానంలో 

భక్తి నింపి, భక్తి పారవశ్యాన

భగవంతుని బంధువులతో 

బంధుత్వం కలిపిన ఓ 

మహానుభావా ఇవే నీకు 

సుమాంజలులు, వందనాలు.

ఏది గొప్పది కాదు రాముని 

సన్నిధే ముఖ్యమని నిధుల 

త్రోసి  రాజన్నావు, ఓ సంగీత 

రాజేంద్ర నీకివే పాదాభివందనాలు 

బ్రోవ మని ప్రార్థిస్తూ మేము నీకు 

భారమా అంటూ వాపోయి

రాముని పై పొందుపరిచిన 

ప్రేమ భక్తులని అర్పించు 

త్యాగమూర్తి ఓ త్యాగరాజ 

ఏమని పొగడదు, అప్పుడే 

చిన్న వయసు న, ఎందరో

మహానుభావులని, అందరికీ 

నర్మగర్భంగా వందనాలు అర్పించిన 

తేజో మూర్తి, నీ వయస్సు 13 కదా 

పువ్వు పుట్టగనే పరిమళించు 

నీ కీర్తి ఆ చంద్రార్కం అమోఘం 

ప్రతి దిక్కులో ప్రతి మనిషిలో 

ప్రతిగళంలో, పొందుపరచబడింది

ఓ త్యాగరాజ రాముని సన్నిధి చేర

మము మరిచినావా, నీ ఆశీస్సులు 

నీ ప్రేమాభిమానాలు మాకు 

శ్రీరాముని కృపతో వర్షించి 

ఈ ధరణిని పాపాల నుండి 

విముక్తి చేయగా రావా మహాత్మా!!!