భూమి చెక్కిన ఆకాశం;- డా.టి.రాధాకృష్ణమాచార్యులు-9849305871

ప్రాజ్ఞ్గనన్నయ్య నుండి జాలువారిన కవిత్వం ప్రపంచ పదులైన కొనసాగింపు 

కవిత్వం చిరంజీవి ముగింపులేనిది కలం కవిత 

కవిత్వమూ గొప్ప ఆయుధమే

పువ్వుతో చిరునవ్వుతో విచ్చు కత్తులు రువ్విన కలం పండించిన ఆకుపచ్చ స్వేచ్ఛాక్షరం

గొప్ప కవి ప్రకృతి ప్రేమికుడు

అమలిన భాషను హత్తుకున్న యజ్ఞంలో ప్రణయ ప్రబంధకావ్యాల  సరసన సరసమైన అంతరంగం

లోపలి బయటి మనిషినీ ఆకట్టుకున్న మాట లేట్ కాదు లేటెస్ట్ 

ఎంత హృద్యం మరెంత సుందరం

భారత భారతి గళసీమ మెరిసే తెలుగు ప్రాణం సినారె కవిత

కంఠం మోగిన కంచుధ్వని 

అక్షరం తెరిచిన కిటికి మనిషికవిత 

విస్తరించిన సాహిత్యంలో విచ్చినది 

తొలుత నవ్వని పువ్వు నవ్వింది

విశ్వంభర మోము వెలిగించిన కలం

జ్ఞాన పీఠం అందుకున్న మనిషి కవిత్వం

మనిషిని ప్రేమించకున్న కవిత 

మనిషి కవిత్వం కాదు

ప్రేమించిన అక్షర సృష్టి నిలబడ్డది విశ్వ కవిత్వ రూపమై విశ్వంభరగా

మొలకెత్తిన విత్తనం సాహితీ వట వృక్షమైన వీచే గాలితీరు

బహుశా హమేషా నిన్నూ నన్నూ పలకరించే కలం గళం 

వ్యాసోపన్యాసాల మేలి సంగమ గీతసంగీత వర సమ్మేళనం నీదే

ఓ సినారే! సాహిత్యం బతికినంత కాలం

మీ జీవం ప్రవహిస్తున్న తేట తేనెల తరంగిణి

ఈ నేల వెలిసిన వెలుగుల పదం 

భావోద్వేగాల తటి మీటిన కవిత 

విశ్వ విశ్వంభర పాట నాటిన సినారె

మట్టి చెక్కిన ఆకాశం సినారె కవిత