శ్రీ విష్ణు సహస్రనామాలు (బాల పంచపది )ఎం. వి. ఉమాదేవి

996)శారంగ ధన్వా-

==============

శారంగమను ధనుస్సున్నవాడు 

శార్జ్గమును ధరించియున్నవాడు 

రంగనాథుని అవతారమున్నవాడు 

శారంగధన్వా నామమున్నవాడు 

శ్రీ విష్ణుసహస్ర నామాలు ఉమా!

997)గదాధరః -

కౌమోదకియను గదయున్నవాడు

గదాధరుడయి నిలిచినవాడు 

చక్కని గదాయుధం చేబూనినవాడు 

శ్రీమహావిష్ణువు అవతారుడు 

శ్రీ విష్ణు సహస్ర నామాలు ఉమా!

998)రథాoగపాణిః -

చక్రాయుధము చేతనున్నవాడు 

సుదర్శనమును ధరించినవాడు 

చక్రీ యనుపేరున్నట్టి వాడు 

చక్రధారిగా భాసిల్లు భగవంతుడు 

శ్రీవిష్ణు సహస్రనామాలు ఉమా!

999)అక్షోభ్యః -

ఎటువంటి కలవరములేనివాడు 

క్షోభలను ఎరుగనట్టివాడు 

వేదనానుభవాలు తెలియనివాడు 

అక్షోభ్య నామధేయముగలవాడు 

శ్రీ విష్ణు సహస్ర నామాలు ఉమా!

1000)సర్వ ప్రహరణాయుధః-

సర్వవిధ ఆయుధాలున్నట్టివాడు 

సకలాయుధముల ప్రయోగితుడు 

ఆయుధప్రహరణము చేయువాడు 

దుష్టులనాయుధాలతో దండించువాడు 

శ్రీ విష్ణుసహస్ర నామాలు ఉమా!

(సంపూర్ణము )