చిరంజీవులు:-అంకాల సోమయ్య- దేవరుప్పుల-జనగామ-9640748497

మానవజాతికి మూలవాసులవుతానే

సంస్కృతి సంప్రదాయాలకు ప్రతీకలవుతారువారు

వయోవృద్ధులు కాదు వారు

మానవతా వృక్షాలు

సమాజమనే వృక్షానికి విత్తనాలవుతూనే

మానవజాతి మనుగడకు కారణభూతులవుతారు

వృద్ధులు ఉండవలసినది మనింట్లోనే 

వృద్ధాశ్రమంలోకాదు

మానవ సమాజానికి మూలస్థంబాలవుతూనే

సమసమాజానికి మార్గదర్శకులవుతారు

వృద్ధులు లేని సమాజం పల్లెలే లేని ప్రపంచం

వారు ఉద్యోగ జీవితాన్ని ఉద్యమంగా పూర్తిచేసి

జీవితాన్ని జీతాన్ని అంకితమర్పిస్తారు

బిడ్డల బాగుకోరిన పెద్దలే వృద్ధులు

ఛీ కొట్టినచోటే శిలలై ఉంటూ శత్రువును సైతం శపించని దయామయులు

కోట్లు సంపాదించిన కూటికి నోచుకోని మహనీయులు

చెట్టుపైన పక్షులన్నీ ఎగిరిపోయినా

మళ్ళీ తిరిగివస్తాయనే ఆశతోనే జీవిస్తారు

బ్రతుకు నాటకాన్ని జయించిన బ్రహ్మలు

చావుకే సవాలు విసిరిన చిరంజీవులు వృద్ధులు