ఓ కెశివారెడ్డి కవివరేణ్యా!:- గుండ్లపల్లి రాజేంద్రప్రసాద్, భాగ్యనగరం

సాహితీ జగతిలో

సవ్వడీ చేసేవు

సరస్వతీ దేవినీ

సన్నుతీ చేసేవు             ||సాహితీ||

అక్షరాలను పేర్చి

ఆటలూ ఆడించేవు

పదాలను కూర్చి

పాటలూ పాడించేవు

మదులనూ తట్టేవు

హృదులలో నిలిచేవు

భావాలు చెప్పేవు

భ్రమల్లో ముంచేవు           ||సాహితీ||

కలమును పట్టేవు

పుటలను నింపేవు

కైతలను కూర్చేవు

కమ్మదనమునిచ్చేవు

వైవిద్య విషయాలు

వివరంగ చెప్పేవు

నూతన ఒరవడులు

నిత్యమూ చూపేవు           ||సాహితీ||

కవన సేద్యమూ

కొనసాగించేవు

కవితల పంటలూ

కుమ్మరించేవు

రవివోలె కాంతులు

ప్రసరణాచేసేవు

శశివోలె వెన్నెలను

పుడమిపైచల్లేవు              ||సాహితీ||           

కయితా సుమాలను

పూయించేవు

కవన సౌరభాలను

వెదజల్లేవు

అమృతాజల్లులును

కురిపించేవు

అధరాలకు

తేనెచుక్కలనందించేవు          ||సాహితీ||

గాంధర్వగానమును

వినిపించేవు

కర్ణాలకింపుసొంపులను

కలిగించేవు

తెలుగుతల్లికీ

వందనాలు చేసేవు

తెలుగుజాతికీ

పేరుప్రఖ్యాతులు తెచ్చేవు        ||సాహితీ||

======================================

(కళా మిత్రమండలి ఒంగోలు వారు రేపు 24-11-2024వ తేదీ గౌరవనీయులు, ప్రముఖ కవి ,,సాహితీ వేత్త శ్రీ కె. శివారెడ్డి గారికి జీవన సాఫల్య పురస్కారం అందించే సందర్భముగా నేను వ్రాసిన పాట)