పిల్లలం-మల్లెలం !:- గుర్రాల లక్ష్మారెడ్డి కల్వకుర్తి.-సెల్.9491387977.-నాగర్ కర్నూల్ జిల్లా.

పిల్లలం పిల్లలం

మేం బడి పిల్లలం

మల్లెలం మల్లెలం

తెల్లగున్న మల్లెలం !

బడికి మేము పోతుంటాం

గుడికి కూడా వెళుతుంటాం

గుడిలోన చదువుకుంటాం

బడిలోన ఎదుగుతుంటాం !

అమ్మా నాన్న లేనివారాలం

కూడు గూడు లేని పోరలం

గుడి ప్రసాదం మా ఆహారం

బడి తోటలో మా విహారం !

బడిలో చదువు నేర్చుకుంటాం

గుడిలో ప్రార్థన చేసుకుంటాం

బడిలోని గురువు అంటే ఇష్టం

 దైవదర్శనంకు పడతాం  కష్టం !

మా బడి తోటలో శ్రమిస్తాం

దేవుని గుడిలో

విశ్రమిస్తాం

బడిలో గురువులతో నివాసం

గుడిలో భక్తులతో  సహవాసం !

తోటి పిల్లలతో మేం కలసిఉంటం

కలిసిమెలిసి ఉంటే మంచిదంటం

చదువులో అంతా ముందుంటం

ప్రథమ  శ్రేణిలో పాసౌతుంటం!