ఓ బాలిక...! నీవే భావి జగతి ఏలిక !! :- కోరాడ నరసింహా రావు!

చదువుల లో శారదవు

 సంపదల శ్రీ లక్ష్మివి... 

  క్షమాగుణమునభూదేవివి

 ధైర్య,సాహసముల

సాక్షాత్ ఆది శక్తివే నీవు ! 

ప్రేమాభి మానాల తోబుట్టువువు... 

ఆప్యాయతానురాగాల  పిన్ని, వదినవు... 

  జన్మనిచ్చిన అమ్మవేనీవు

 నట్టింట నీ వుంటే ,నిండు పున్నమీ పండు వెన్నెలలే ! 

 నీ చిట్టి అడుగులు, బోసి నవ్వులకు నోచని ఇల్లు... 

 సకల భోగాలూ ఉన్న నూ ఎడారి సమమే...! 

దయ, జాలి, ప్రేమాభి మానాల ఆడపిల్లా.... 

 అందుకొనుమమ్మ ఈ జగతి అభినందన సుమ చందన గంధమ్ము... 

💐👏👏👏👏👍✌️🎷🎺🎻🎼