చిటపట చినుకులు : -వరలక్ష్మి యనమండ్ర

పల్లవి

చిటపట చినుకులు చూడండోయ్!

చిందులు వేస్తూ తడవండోయ్!

చకచక పడవలు చెయ్యండోయ్!

చక్కగ నీటన విడవండోయ్! 

//చిటపట చినుకులు//

చరణం:01

చక్కగ పోవే ఓ పడవా!

జారుచు పోవే ఓ పడవా!

నీతో ఉంటే నే నడవా!

ఎత్తుకు పోవే ఓ పడవా!

//చిటపట చినుకులు//

చరణం:02

కత్తి పడవలను చేసేద్దాం!

గబగబ నీటన వేసేద్దాం!

పెద్ద పడవలకు దారిద్దాం!

పేర్లను పైనే రాసేద్దాం!

//చిటపట చినుకులు//

చరణం:03

నానుచు ముందుకు వెళుతుందోయ్!

నానా తిప్పలు పడుతుందోయ్!

నావను ఇది మరిపిస్తుందోయ్!

నను బాగా మురిపిస్తుందోయ్!

//చిటపట చినుకులు//

చరణం:-4)

జడివానంటే కష్టాలోయ్

సుడిగాలంటే నష్టాలోయ్

పడవలు నేర్పును ఒక పాఠం

భవితవ్యానికి గుణపాఠం!

//చిటపట చినుకులు//