అబ్బాయిలు అమ్మాయిలు:- గుర్రాల లక్ష్మారెడ్డి కవి రచయిత-సెల్.9491387977 కల్వకుర్తి నాగర్ కర్నూల్ జిల్లా తెలంగాణ.

ఆడుకో ఆడుకో అమ్మాయి

పాడుకో పాడుకో అబ్బాయి

ఆడి పాడితేను తప్పక మీరు

ఆరోగ్యాన్ని ఇక పొందుతారు!

ఊగించు ఉయ్యాల అమ్మాయి

సాగించు జంపాల అబ్బాయి

ఊగిస్తే సాగిస్తే ఆపైన ఇక మీరు

ఉత్సాహవంతులు ఐ తీరుతారు!

పోరాటం పాట పాడు అమ్మాయి

కోలాటం ఆట ఆడు ఓ అబ్బాయి

ఆ ఆటపాటలు ఆడితేను మీరు

ప్రతిభావంతులు  తప్పక  ఔతారు

వనగుంతలు ఆడే అమ్మాయి

గుణింతాలు పాడే అబ్బాయి

అక్షరాలు దిద్దితేను ఇక మీరు

అక్షరాస్యులు తప్పక ఔతారు !

పజిల్స్ చేసేటి అమ్మాయి

విజిల్స్ వేసేటి అబ్బాయి

పజిల్స్ గజల్స్ ఇక విజిల్స్

చేసే రాసే వేసే మీరే నోబుల్స్

కూరగాయలు అమ్మే అమ్మాయి

నార చీరలు అమ్మే ఓ అబ్బాయి

క్రయవిక్రయాలు సాధించే మీరు

వ్యాపారంలో ఇక ఆరి తేరుతారు

క్రికెట్ ఆట ఆడేటి అబ్బాయిలు

బ్రాకెట్ పాటపాడేటి అమ్మాయిలు

ఆడే ఆ ఆటలో పాడే ఆ పాటలో

మీకు మీరే సాటి మీకు మీరే పోటీ!