పక్షులం!!:- డా ప్రతాప్ కౌటిళ్యా.

ఎదురుపడింది కదా అని 

ఎవరెస్టును ఎక్కలేం

తలెత్తి చూడలేం 

కాసేపు కళ్ళు మూసుకుంటే చాలు!!

కిందికి దిగింది కదా అని 

ఆకాశాన్ని అందుకోలేం 

నక్షత్రాలను లెక్కించలేం

కాసేపు కళ్ళు మూసుకుంటే చాలు!!!

భూమి తిరుగుతుంది కదా అని 

మనమూ పరిగెత్తలేం .

కిందికి దూకలేం . భూమిని ఆపలేం .

కాసేపు కళ్ళు మూసుకుంటే చాలు!!!

నడిచే అడుగులు తప్ప 

ఎగిరే 

రెక్కలు లేని పక్షులం మనం!!!?

పాలెం మిత్రుడు శోభన్ కు నివాళి. 

డా ప్రతాప్ కౌటిళ్యా.