బాలల పండగ :- కొప్పరపు తాయారు

బాలలం రేపటి శౌరులం

చాచా నెహ్రూ గులాబీలం

నవ జీవిత   నిగ్గులం

సృష్టికి ప్రతి సృష్టి భాగ్యాలం! 

ప్రజాహితం కోరు లే లేత మొగ్గలం 

మురిపించే ముద్దులం 

మనసు పాలకన్నా తెల్లనైన వెలుగులం

సర్వులకు  సంతోషాల నిధులం 

నిన్న పరిచయం ,నేడు జీవనాలం 

రేపు ఎదగడానికి ఆశయాలం

అందరికీ ఆనందం దేశ భవిష్యత్తులం

నిజం లోని నిజాయితీలం!

నిష్కల్మష చరితలం 

నిర్పూచీ  బ్రతుకులం 

నిత్యానంద స్వరూపులం

నవ్య భారత వజ్రాలం!!

నవ్వితే మాకు అసలైన బలం 

భారతావని భాగ్యాలం 

కొత్త భారతదేశ సృష్టికర్తలం

భరతమాత ముద్దుబిడ్డలం !!!