కం: శాంతము లేనట్టి మనసు
చింతను తానొంది తిరుగు చెట్టుబిడారై
వింతగ తానాడించును
గంతనుకట్టంగ మనిషి కన్నులు మూయన్
భావము: శాంతి లేని మనసు చింతను పొంది కోతిలాగ తిరుగుతు ఉండును. మనిషి కన్నులకు గంతనుకట్టి వింతగా ఆడిస్తుంది.
కం: క్రమశిక్షణలేని బ్రతుకు
భ్రమలోనేతిర్గుచుండ వ్రాత్యంబవ్వున్
దమమును తప్పును నదియున్
క్రమముగ క్షీణించ, ప్రాణి కనుమరుగవ్వున్
భావము:చక్కని ప్రవర్తనను కలిగుండని జీవితము ,భ్రాంతి నొంది సంస్కారాన్ని కోల్పోవును.ఇంద్రియ నిగ్రహము లేక కాలక్రమమున అది ప్రాణిని కనిపించకుండ చేస్తుంది.
addComments
కామెంట్ను పోస్ట్ చేయండి