పాల నవ్వుల మెరుపు:- డా.టి.రాధాకృష్ణమాచార్యులు -9849305871

కోరలులేని మనిషికి

అవి తాత్కాలిక కోరల నెలవంకలు 

నోటిలో కత్తులు కత్తెరలు నూరే మరలు బాల వదనాలయంలో 

చెట్టుకొమ్మల గట్టిగా హత్తుకున్నా

గాలికో గాయానికో 

అనారోగ్యానికి నింగినుండి ఠప్పున జారిపడు కింద

పరిష్కారం శాశ్వతంగా మొలకెత్తు 

మెరిసే పదును దంతవరుసల పళ్ళు

బతుకులో 

ఏదైనా పుట్టింది రాలిపోవడం సత్యం

మాటతో గెలిచాననే భ్రమలోనే 

మాయమైన మాట మార్మికం

కాలరెగిరేసే చోట

నిలిచే రోల్ మూతవేసి 

భ్రమలతేలే మాయ తెర ముందరకు 

ఏదీ సొంతం కాదు,సాంతం కూడా కాదు

మేఘాలు పుట్టించే ధూమపాన ఆట కొద్దిసేపు అది

వాన కురువని మబ్బు పొగ

నీలోని అలజడి ప్రపంచానికి రుద్దకు శూన్యం 

చపలత నీడలో పెరిగిన మానసిక బాధ 

ఏ మందుకూ లొంగక ఎగిసిపడే రాకాసి అల

పాల దంతాలలా జారిపోయే యొఫోరియా

సహజ శాశ్వతం దౌడు 

రౌతు మాటల నడిచే అశ్వ రహదారి

జీవితం నీ మాట వినని తుంటరి

నిన్ను గాడిలో తోలేది 

ఒంటరికాని ఏకాకికాని తేట పాల శక్తి అది.