హృదయం హ్యూమన్! -మెదడు కంప్యూటర్!:- డా పివిఎల్ సుబ్బారావు. విజయనగరం. 9441058797.

1.

గగనాన  ఏమా,

             తాటిపై నడక !

చలనాన ఏమాత్రం ,

               కంగారు పడక!

 పైగా ఓ వింత ,

               కావిడి మోత !

లేదు చేయూత ,

             ఉన్నది ఏకాగ్రత!

 హృదయం, మెదడుల.

      మధ్య సమతుల్యత !

మానవ జీవితాన ,

             అదే ఆవశ్యకత.!

2.

హృదయం దైవ నివాసం! 

మెదడంతా బుద్ధి వికాసం!

 బుద్ధి నేడెంతో  అదురు! 

సమస్యలంటే ఓ బెదురు! 

హృదయమే ఎంతో కుదురు!

3.

కృత్రిమ మేధ,

         ఏలుతోంది వసుధ!

 నేడు మనిషి బతుకు,  

       నిరంతరం కృత్రిమం! 

సహజత్వానికి,

      జీవనం బహుదూరం!

 నేడు మనిషి తీరు,

               చిత్రాతి చిత్రం !

విశ్వమంతా నేడది ,

        విస్తరిస్తున్న సూత్రం!

4.

మనిషి అనుక్షణం ,

       కత్తి మీద సాము!

 అరక్షణం చాలు ,

జారిపోతే చేరు అగాధము !

ఫీట్స్ అప్పుడప్పుడు.

చేస్తూ ఉంటే ప్రమోదము!

 నిత్య కృత్యమైతే ,

 పొంచి ఉండు ప్రమాదము!

5.

మనిషి యంత్రము,

     బతుకు నియంత్రితము! 

ఎంతసేపు పరుగే,

   అలసిపోతే కనుమరుగే! 

భౌతికంగా ,

ప్రపంచ ఐశ్వరరాధిపత్యం! 

మానసికంగా పీడించే,

      అశాంతి దారిద్ర్యము! 

పదిమందిలో ఏకాకి ,

     వెనక ఉండు తుపాకి!

_________