నా సరదా పాట: - గుర్రాల లక్ష్మారెడ్డి కవి రచయిత-సెల్.9492388977 కల్వకుర్తి నాగర్ కర్నూల్ జిల్లా తెలంగాణ.

సరదా సరదా ఒక పాట

పాడుతానులే ఈ పూట

ఏ పరదా చాటు లేకుండా

మీకందిస్త నా అండదండ !

మీ ముందరనే ఉంటా

సుందర స్వప్నం కంటా

వినుటకు రండి అంతా

చాటండి ఇక ఊరంతా !

పదనిసలతో ప్రాణం పోశా

సరిగమలతో నే రాగం తీశా

కలిగించరులే మీ రవరోధం

కలిగిస్తే నేచేస్తాలే సంవాదం !

నా పాటను వింటేను మీరంతా

మీ మదిలో ఉండదు ఏ చింతా

ఏరి కోరి చెప్తున్నా మీ అందరికీ

మీరంతా రావాలిక ముందరికి  !

మీరే నా పాటకు తాళం వేయాలి

పారే సంగీతానికి గొళ్ళెం తీయాలి 

సంగీత సామ్రాజ్యాన్ని మీరేలాలి

నా పాటల బండిని మీరే తోలాలి !

ఎలాగ నైనా నాలాగా మీరు

పాడుటకు సాధన చేయండి

సాధన చేస్తే ఇల రానిదంటూ

ఏదీలేదని మీరు తెలుసుకోండి !