అక్షరమే బలమైన ఆయుధం:- -గద్వాల సోమన్న, గణితోపాధ్యాయుడు, ఎమ్మిగనూరు,సెల్:9966414580

అక్షరాల వెలుగులో

స్వచ్ఛమైన తెలుగులో

మనం మాట్లాడుకుందాం

సొగసులీను భాషలో

చదువులమ్మ  నీడలో

ఉల్లాసపు ఓడలో

మనమంతా నివసిద్దాం

విజ్ఞానపు మేడలో

విలువలున్న బ్రతుకుతో

నిలకడ గల  మాటతో

స్ఫూర్తినే  పంచేద్దాం

ప్రేమలొలుకు మనసుతో

సాగరమంత  ఓర్పుతో

గగనమంత నేర్పుతో

విశ్వశాంతి సాధిద్దాం

అసలు సిసలు మార్పుతో

ఘన తెలుగు తోటలో

వర్ణమాల కోటలో

ఇల రూపుదిద్దు కుందాం

భవిత నిర్మించుకుందాం

అక్షరమే ఆయుధము

విలువైన ఆభరణము

ఆశ్రయిస్తే మాత్రము

ఎక్కించును అందలము