బహుజనుల వారసులం: - అంకాల సోమయ్య -దేవరుప్పుల-జనగామ -9640748497

మేము బహుజనులమే 

కానీ 

మేము బానిసలం కాము

ఆత్మాభిమానం ఉన్నోళ్ళం

ఆత్మగౌరవంతో బ్రతికేటోళ్ళం

ఉంటే తింటం 

లేకుంటే ఉపాసం పడుకుంటాం

అన్నా అంటే ఆత్మీయతచూపుతం

తమ్మి అంటే అభిమానిస్తం 

అయ్యా అంటే ఆదరిస్తాం

మమ్మల్ని నమ్మినోళ్ళకు ప్రాణమిస్తం

మేము ఊరావల

పూరి గుడిసెల్లో తలదాచుకుంటాం

మేము గంజి నీళ్ళు 

కారంమెతుకులైనా

పంచుకొని తింటాం 

మేం ప్రేమానురాగాలతో

అనుబంధాలనల్లుకుంటాం

ఇతరులను మోసగించలేముమేము

కుట్ర కుతంత్రాలు మాకు తెలియవు 

నమ్మించి దొంగ దెబ్బ తీయలేము 

మేము ధనంలేనోళ్ళమే కానీ 

ఎవరూ తూచలేనంత అభిమాన ధనం కలవాళ్ళం

మేము బహుజనులం

దేశ జనాభాలో అధిక సంఖ్యాకులం

నీతి నిజాయితీ కల్గినోళ్ళం

దగామోసమెరుగనోళ్ళం

ఉంటే తింటం 

లేకుంటే ఉపాసముంటాం

చరిత్రలోని చీకటి కోణాలను

ఒక్కొక్కటిగా వెలికితీస్తున్నం 

నిజానిజాలను బట్టబయలు చేస్తం

ఆధిపత్య దురహంకారుల

పీచమణచివేస్తం

చరిత్ర తిరగరాస్తం

బహుజన రాజ్యాధికారం కోసమై

పిడికిలి బిగించి కొట్లాడుతం

తిరుగులేని (బహుజనుల) విజయపతాకం

వినీలాకాశంలో ఎగరేస్తాం