చదవాలి నువ్వు తమ్మి:- అంకాల సోమయ్య -దేవరుప్పుల-జనగామ-9640748497

పల్లవి:

చదవాలి నువ్వు తమ్మి 

ఓతమ్మి చక్కంగా చదవాలి రా

అమ్మానాన్నకు పేరు 

ఊరికింక పేరు నువ్వే తేవాలిరా

చరణం 1

ఏరోజు ఇంటి పని .. ఓతమ్మి

ఆరోజే చేయాలిరా

రోజు రోజు నువ్వు వాయిదవేస్తే

నీ బ్రతుకే వాయిదరా

/చదవాలి/

చరణం 2

 పంతులయ్యచెప్పే ..

పాఠాలు చక్కంగా వినాలి రా

చక్కంగా నువ్విని పరీక్షలు 

వ్రాసి ఫస్టేరావాలిరా

/చదవాలి/

చరణం 3

ఆస్తిపాస్తులు లేని తమ్మి

అతి పేదవాళ్ళమే..మనం

నీచదువు కొలువు నిచ్చురా తమ్మి

మన బ్రతుకు బాగుపడురా... 

/చదవాలి/

చరణం4

నిద్రమత్తు విడరా ఓతమ్మి 

మేలుకొని సాగరా

జన్మభూమికి నువ్వు సేవలు 

చేయగ కదిలి ముందు కేగరా

/చదవాలి/