సుప్రభాత కవిత : - బృంద

పాతాళంలో మొదలై 

భూమండలం గుండా సాగుతూ 

నభోవీధి వరకూ పయనించి

ఎక్కడమొదలయ్యావో

ఎక్కడ ఆగావో తెలియని

అంతర్యామివి నువ్వు 🙏

సమస్త చరాచర జీవరాశులకు 

తండ్రి గా  దాతగా  రక్షకుడిగా 

వైద్యుడిగా జ్ఞాన ప్రదాతగా 

రుద్రుడిగా  దండిస్తూ 

శివుడిగా అక్కున చేర్చుకునే

భగవత్ తత్వానివి  నువ్వు 🙏

దాసోహం అన్న జనులకు 

నేనున్నా అనే ధైర్యం....

ఆపదలో ఆర్తిగా పిలిచే వారికి 

వద్దకొచ్చి ఆదుకుని

దిక్కు తోచని వేళ తోడు వచ్చి

సరియైన త్రోవ నడిపే

మార్గదర్శివి నువ్వు 🙏

క్షణం ఆగక పయనించే 

కాల చక్రమై 

కంటికి కనిపించని లోకాలలో 

కూడా వ్యాపించి 

ప్రతి జీవి దేహంలో ప్రాణమై 

నివసించి 

పట్ట పగటి వెలుగు లాగా

ప్రపంచమంతా వెలిగించు

జ్యోతి రూపం నువ్వు 🙏

తలచినంతనే హృదయం

తృప్తి తో నిండిపోయే.....

సమస్య నీతో చెప్పుకుంటే 

సగం బరువు తీరిపోయే....

నీవే తప్ప ఇతరము ఎరుగనని 

శరణం కోరితే

నీవే నేరుగా వచ్చి నిలబెట్టే 

మహాదేవుడివి నువ్వే 🙏

నమస్కరించిన చాలు 

నామస్మరణ చేసినా చాలు 

తడిసిన రెప్పల చూపుల

అభిషేకించినా చాలు

అవ్యక్త ఆనంద సీమల తేలించి

ఆపదలు అవలీలగా దాటించు

మహేశ్వరుడివి నువ్వు 🙏

నీవుండ నాకండగా 

భయమేల ఇంక

ఓం నమః శివాయ

🌸🌸సుప్రభాతం🌸🌸