సుప్రభాత కవిత : బృంద

పెచ్చు పెరిగిన స్వార్థము 

పరిమితులు దాటినవి 

ప్రాణము విలువ 

గడ్డిపోచయినది....

మోసపు రూపు రేఖలు 

క్షణ క్షణమునకు మారి 

ఏ తీరున తప్పించుకోవాలో 

తెలియకున్నది

కని విని ఎరుగని 

రీతులలో హింస 

కసుగాయలను కూడా 

వదలకున్నది 

సత్యమైన బంధాలు 

రక్త సంబంధాలు 

కూడా వదలక చేసే 

ద్రోహ చింతన ఎక్కువైనది

ప్రతి విషయము లోనూ 

ప్రతి అన్నది సహించలేక 

ప్రతి మనసులో అసూయ 

ప్రకోపిస్తూ వున్నది

మాట తప్పడమే కాదు 

మాటలో సభ్యత లేక 

మాటలో లేని తప్పులు పట్టే 

కుసంస్కారము పెరిగినది

అసత్యము అంతటా 

అన్నివేళలా అవలీలగా 

అందరినోటా  అవిరళంగా 

అలరారుతూ ఉన్నది 

శాంతము మాని కోదండము పూని 

ఒకే బాణముతో అన్నిటిని 

మట్టుపెట్టాల్సిన అవసరము 

ఆసన్నమైనది ఆపద్భాంధవా

అన్యధా శరణం నాస్తి 

అవనిని ఆపదనుండి 

కాపాడే భారం నీదే 

లోకరక్షకా పాహిమాం రామా 🙏

శ్రీరామరక్ష సర్వ జగద్రక్ష 

🌸🌸సుప్రభాతం 🌸🌸