కాలమనే కడలిలో...: - కవి రత్న -సాహిత్య ధీర -సహస్ర కవి భూషణ్-పోలయ్య కూకట్లపల్లి -అత్తాపూర్ హైదరాబాద్

చీకటిలో 

చిమ్మ చీకటిలో... 

కాలమనే కడలిలో

శోకమనే పడవలో... 

ఓ మనిషీ...! ఓ మనిషీ..!! 

ఎక్కడికి నీ పయనం..? 

ఎందాక నీ పయనం...?

నాడు ప్రేమబంధాలతో పెనవేసి

ప్రేమ పాషాలతో బంధించి

నేడు మమతలనే మరిపించి

మనసులనే విరిచేసి ఎందుకో

భగవంతుడు బంధాలు తెంచేసె...

బ్రతుకంతా 

అంధకారమయమైపోగా...

ఓ మనిషీ..! ఓ మనిషీ..!! 

ఎక్కడికి నీ పయనం...? 

ఎందాక నీ పయనం....?

జాలరి వలలో చిక్కిన చేపలా

వేటగాని బాణం గుచ్చుకున్న లేడిలా

విధి చేతిలో చిక్కి విలవిలలాడేవు

రెక్కలు విరిగిన పక్షివై గిలగిలలాడేవు

ఓ మనిషీ..! ఓ మనిషీ..!!

ఆ దైవమే పగబడితే 

ఇక ఎవరు నీకు దిక్కు ఎవరు నీకు దిక్కు?

 

ఎండిన చెరువును కాదు 

జలకళతో నిండిన చెరువును చూడు 

మోడువారిన మొక్కను కాదు 

పుష్పించి ఫలించే పచ్చని వృక్షాన్ని చూడు 

బ్రతకాలనే చిన్నఆశ చిగురుస్తుంది నీలోన

ఓ మనిషీ..! ఓ మనిషీ..!!

ఆ చిరు ఆశే చిరుదీపంగా...

సాహసమే ఊపిరిగా ముందుకు సాగాలి 

కొత్త బంగారులోకం కోసం అన్వేషించాలి