వీధి బడి: - - యామిజాల జగదీశ్

 వారికి తరగతి గదులు లేవు.
బెంచీలు లేవు. గోడలు లేవు.
ఆకాశం కింద ఒక నల్లబల్ల...ప్రతి బిడ్డకూ ఒక అవకాశం దక్కాలనే నమ్మకం మాత్రమే ఉన్నాయి...
కనీసం శుభ్రమైన నీళ్లు కూడా దొరకని ఢిల్లీ మురికివాడ నడిబొడ్డున, 'పెహచాన్' అనే ఒక వీధి పాఠశాల నిశ్శబ్దంగా ఎందరో పిల్లల భవిష్యత్తులను తిరగరాస్తోంది.
ఇది 2015లో కేవలం ఐదుగురు పిల్లలతో ప్రారంభమైంది.
కానీ ఈ రోజు, ఈ సంఖ్య మౌలిక సదుపాయాలతో కాకుండా, ప్రజల కృషితో అయిదు వేల మందికి పైగా విద్యార్థులకు చేరుకుంది.
1,200 మందికి పైగా స్వచ్ఛంద సేవకుల సహాయంతో, ఒక్క తరగతి గది కూడా లేకుండా, మెట్రో స్తంభాల కింద, దేవాలయాల దగ్గర, స్థలం దొరికిన చోటల్లా చదువు జరుగుతుంది.
అయినప్పటికీ, ఏ భవనం చెప్పలేని విధంగా ఇక్కడి ఫలితాలే మాట్లాడు తుంటాయి.
94 శాతం ఉత్తీర్ణత.
వందలాది మంది ఉన్నత విద్య వైపు పయనిస్తున్నారు.
వారిలో ఒకడే దీపక్.
తన మురికివాడ నుండి 12వ తరగతి ఉత్తీర్ణుడై కళాశాలలో చేరిన మొదటి విద్యార్థి.
కేవలం హాజరుకావడం అనే ఒక చిన్న చర్యగా ప్రారంభమైనది, ఇప్పుడు ఒక ఆదర్శంగా నిలిచింది.
భవిష్యత్తును నిర్మించుకోవడానికి ఎల్లప్పుడూ భవనాలు అవసరం లేదని నిరూపించేది.
అంతర్జాతీయ వీధి బాలల దినోత్సవం సందర్భంగా, ఎవరైనా ముందుకు రావాలని నిర్ణయించుకుంటే విద్య ఎక్కడైనా ప్రారంభం కావచ్చని 'పెహచాన్' శక్తిమంతమైనదిగా గుర్తుచేస్తుంది - పెహచాన్ ది స్ట్రీట్ స్కూల్.