కష్టజీవి(కవి): - అంకాల సోమయ్య -దేవరుప్పుల-జనగామ -9640748497

కష్టజీవి కుడిఎడమన ఉండేవాడు కవియేగా

బడుగు జీవి ఎద రగుతుందికుంపటై

శ్రమజీవుల స్వేదమే దేశసౌభాగ్యము

కార్మికవీరుల నిపుణతతో నడుస్తుంది యంత్రము

మధ్యతరగతి తలమీద మోయలేని అప్పుల కుచ్చుటోపీ 

ప్రాథమిక అవసరాల కోసమై వెతుకులాటలే

చెత్తకుండీల వద్ధ కుక్కలతో పోట్లాడి ఎంగిలి మెతుకులే పరమాన్నమై

 బ్రతుకుగడుపుతున్నదైన్యం

కబోదులైన పాలకులకు కడుపేదల ఈతిబాధలు 

ఒక గేయమై గొంతెత్తు

ఓ కవితాస్త్రమొకటి సంధించు 

ఓట్లు దోచి సీట్లు గెలిచి

రాజభోగనాయకులకు

దిమ్మదిరిగేలా జవాబివ్వూ

కవి కలంపోటు రుచిచూపించు