సుప్రభాత కవిత : - బృంద

ఏ చిక్కు ముడులు 

ఎవరికి తెలియక 

విడిపోయి వేడుకలు 

కొని తెస్తాయో....

ఏ దూరమైన జంటల

అపార్థ సమస్యలు 

వాటికవే చక్కబడి 

దగ్గర చేస్తాయో....

ఏ కన్నీటి కథలకు 

చక్కని ఓదార్పుగా 

ఏ ముగింపు దొరికి 

ఆనందిస్తాయో.....

ఏ సమస్యల వలయాలు 

ఎంతగానో చుట్టుముట్టి 

ఏడిపిస్తున్న  బ్రతుకులకు 

ఏ ఆధారం దొరుకుతుందో...

గమ్యం అంటూ లేక 

గాలి వాటున సాగుతున్న 

జీవన నౌకలకు  ఏ తీరం 

దూరాన కనిపిస్తుందో.....

ఏ తీపి కబురు 

అందాల్సిన చోటుకి 

అతి పదిలంగా అందించాలనో 

వస్తున్న వేకువకు 

🌸🌸సుప్రభాతం 🌸🌸