అన్నమయ్య కీర్తనలు అజరామరం.: - కవిమిత్ర, సాహిత్యరత్న-ఆచార్య అయ్యలసోమయాజుల ప్రసాద్ (పుష్టమి)- విశాఖపట్నం.

అదిగో అల్లదిగో శ్రీహరివాసమని,

కొండలలో నెలకొన్న కోనేటి రాయడు వాడని

అంతర్యామి అలసితి  సొలసితి యని,

బ్రహ్మ కడిగిన పాదమని,

చూడరమ్మ సతులారా సోబాన పాడరమ్మ యని,

బ్రహ్మ మొకటే పరబ్రహ్మ మొకటే యని,

పిడికిట తలంబ్రాల పెండ్లి కూతురు కొంత

పెడమరలి నవ్వినే పెండ్లి కూతురు యని,

కట్టెదుర వైకుంఠము కాణాచయిన కొండ

తెట్టలాయ మహిమలే తిరుమల కొండ యని,

అలతి అలతి పదాలతో 

 జీవితమంతా  ఏడుకొండల వేంకటేశ్వరుని పై

ఎన్నో వేల కీర్తనలను

పండిత పామరులకు అర్ధమయ్యే రీతిలో రచించిన  

మొదటి వాగ్గేయకారుడు

తాళ్ళపాక అన్నమాచార్యులు పదకవితా పితామహులు

సంకీర్తనా చార్యులు

ఆధ్యాత్మిక ,భక్తి, శృంగార రస కీర్తనలతో

నేటికి తెలుగునాట  అజరామరంగా

కీర్తింపబడుతున్న సంగీత సరస్వతీ పుత్రులు

వారికివే నా అక్షరాంజలులు..!!

( వైశాఖ శుక్ల పౌర్ణమి అన్నమయ్య జయంతి సందర్భంగా వ్రాసినది)

...........................