బడి మొగ్గలు: - - డా.భీంపల్లి శ్రీకాంత్- 9032844017

సుతిమెత్తగా నడిచే పాదాలకు చెప్పులు లేకున్నా

చదువు ప్రయాణం సాగించే నిత్య బాటసారులు

పాఠశాలంటే పిల్లలకు నీడనిచ్చే చల్లని తల్లి

నకనకలాడే కడుపులతో పాఠశాలకు వచ్చినా

గురువుల బోధనతో విద్యార్థుల కడుపు నిండేది

మధ్యాహ్నభోజనమే విద్యార్థులకు అమృతఫలం

గణగణమంటూ పిలిచె బడిగంటతో చైతన్యులై

పరుగుపరుగునా వచ్చే సీతాకోకచిలుకలు

విద్యార్థుల సందడితోనే పాఠశాలలో వసంతం

బడిలో పలకల మీద అఆలు చక్కగా దిద్దుతూ

జీవితాన్ని మలుచుకునే భవిష్యత్తు తారకలు

విద్యార్థుల బంగారు భవిష్యత్తుకు పునాది బడి

చకచకా బడికి వెళ్ళి గురువుకు దండం పెట్టి

చదువును బాగా చదివే పసిడి మొగ్గలు

అమ్మవడిలాంటి బడిలో అక్షరాలను దిద్దేది చిన్నారులు