అమ్మమ్మ: - వరుకోలు లక్ష్మయ్య -తెలుగు భాషోపాధ్యాయులు-సిద్ధిపేట -9704865816

అమ్మమ్మ ఇచ్చును 

బోలెడన్ని ముద్దులు 

ఆకలవుతుందంటే 

అరిసెలు చేసిచ్చును

ఆటలాడు కుంటమంటె 

బ్యాటు బాలు ఇచ్చును 

జేబు నిండ పుట్నాలు 

నింపి మమ్ము పంపును

రాత్రి నిద్ర పట్టకుంటే 

నీతికథలు చెప్పును 

నిద్రించ వరకు మాకు 

జోల పాటలు పాడును.

అమ్మమ్మ మాటలు 

అమృతంపు మూటలు 

అమ్మమ్మ మనసు 

 వెన్న కన్న మెత్తన

తాతయ్య కన్న నన్ను 

మిన్న గాను చూచును 

దాచిపెట్టిన డబ్బులన్ని 

చాటుగా మాకిచ్చును.